Get real time updates directly on you device, subscribe now.
ଢେଙ୍କାନାଳ : ଢେଙ୍କାନାଳ ସଦର ବ୍ଲକ ଅନ୍ତର୍ଗତ ବଣସିଂହ ଠାରେ ରଥଯାତ୍ରା ଚଳିତ ବର୍ଷ ଅନୁଷ୍ଠିତ ହୋଇଯାଇଛି । ଗୋଟିଏ ରଥରେ ବଡ ଠାକୁର ଜଗନ୍ନାଥ, ଭଉଣୀ ଦେବୀ ସୁଭଦ୍ରା ଏବଂ ବଡ ଭାଇ ବଳଭଦ୍ର ଏକତ୍ର ଯାତ୍ରା କରିଛନ୍ତି ।
ବଣସିଂହର ଆରାଧ୍ୟ ଦେବତା ପ୍ରଭୁ ଦଧିବାମନଜୀଉଙ୍କ ମନ୍ଦିର ରୁ ତିନି ଠାକୁରଙ୍କୁ ଗୋଟି ପହଣ୍ଡି ରେ ରଥାରୁଢ କରାଯାଇଥିଲା । ଦଧିବାମଜୀଉଙ୍କ ସେବାୟତ ଅନ୍ତର୍ଯ୍ୟାମୀ ଶତପଥୀ ଛେରା ପହଁରା କରିଥିଲେ ।
ଅପରାହ୍ନ ଗୋଟାଏ ରେ ରଥ ଟଣା ଯାଇ ସାଢେ ୫ଟାରେ ମାଉସୀ ମାଙ୍କ ମନ୍ଦିରରେ ରଥ ପହଞ୍ଚିଥିଲା । ଏଥିରେ ବଣସିଂହ,ଶଙ୍କରପୁର ଗାଁର ମହିଳା ସଙ୍କିର୍ତ୍ତନ ମଣ୍ଡଳୀ ଓ ଶ୍ରଦ୍ଧାଳୁ ଭକ୍ତମାନେ ଯୋଗ ଦେଇ ରଥ ଟାଣିଟାଣି ନେଇଥିଲେ ।
ରାମ ମନ୍ଦିର ରେ ଥିବା ଏକ କୋଠରୀରେ ମାଉସୀ ମା’ଙ୍କ ଅସ୍ଥାୟୀ ମନ୍ଦିର କରାଯାଇ ୯ ଦିନ ପୁଜାର୍ଚ୍ଚନା ପାଇଁ ବ୍ୟବସ୍ଥା କରାଯାଇଛି ।
ବଣସିଂହ ଚାରଣ ଗୋଷ୍ଠୀ ଏବଂ ଗ୍ରାମ ଯୁବଗୋଷ୍ଠୀଙ୍କ ସହଯୋଗରେ ରଥଯାତ୍ରା ଶାନ୍ତି ଶୃଙ୍ଖଳାରେ ସମାପନ ହୋଇଛି । ଗ୍ରାମ କମିଟିର ସଭ୍ୟ ମାନେ ଉପସ୍ଥିତ ରହି ଶାନ୍ତି ଶୃଙ୍ଖଳା ରକ୍ଷା କରିଥିଲେ ।
୨୦୧୯ ମସିହାରେ ରମଣୀରନô ମହାରଣା ଏବଂ ଆଶୁତୋଷ ଶତପଥୀଙ୍କ ଉଦ୍ୟମରେ ରଥ ନିର୍ମାଣ କରାଯାଇ ପ୍ରଥମ ରଥଯାତ୍ରା ହୋଇଥିଲା ।
- Advertisement -
