Get real time updates directly on you device, subscribe now.
ଢେଙ୍କାନାଳ:ଢେଙ୍କାନାଳ କୋବଲ୍ୟ ବଜ଼ାର ସ୍ଥିତ ସିଦ୍ଧି ବଳରାମ ଜୀଉ ମନ୍ଦିର ରେ ରବିବାର ବଉଳ ଅମାବାସ୍ୟା ପାଳିତ ହୋଇ ଯାଇଛି | ଏହି ଅବସର ରେ ମନ୍ଦିର ରେ ବିଶେଷ ପୂଜା ଅର୍ଚନା କରାଯାଇଥିଲା | ପ୍ରାତଃ ବ୍ରାହ୍ମ ମୁହୂର୍ତ୍ତ ରୁ ମଙ୍ଗଳ ଆଳତି, ମହାସ୍ନାନ, ବସ୍ତ୍ର ପରିଧାନ, ତୁଳସୀ ହାର, ବଉଳ ଲାଗି କରାଯାଇଥିଲା |
ଏହା ପରେ ପହିଲି ଭୋଗ ଲାଗି କରାଯାଇ 10.30 ରେ ଖେଚୁଡ଼ି ଭୋଗ ଓ ମଧ୍ୟାହ୍ନ ରେ ମଙ୍ଗଳା ଅର୍ପଣ ପୂଜା କରାଯାଇଥିଲା | ସ୍ୱତନ୍ତ୍ର ଭାବେ ଆଜି ଚକା,ପୁଳି, କାକରା, ଅର୍ଣ୍ଣ, ଡାଲମା, ମିଷ୍ଟନ ଓ ଫଳମୂଳ ଲାଗି କରାଯାଇଥିଲା |
ସନ୍ଧ୍ୟା ବେଳେ ଆଳତି ରାତିରେ ଧୂପ ପରେ ପହଡ ପଡିଥିଲା, ପୂଜକ ଶ୍ରୀବତ୍ସ ମିଶ୍ର, ପାଳିଆ ସେବକ ଶମ୍ଭୁନାଥ ମହାପାତ୍ର, କାହାଳିଆ ଟୀକନ ବେହେରା ଓ ଜିମାଦାର ବସନ୍ତ ରଥ ଙ୍କ ତତ୍ୱାବଧାନ ରେ ବଉଳ ଅମାବାସ୍ୟା ନୀତି ସମ୍ପୂର୍ଣ୍ଣ କରାଯାଇଥିଲା!
- Advertisement -
